مين نحنا؟
بـرحبة… الأحلام كبيرة وحلمنا بلّش بـ ٥ بقرات بس
بالـ ٢٠١٩، ومع غلاء الحليب يلي صار عبء على العيلة، وزيادة القلق حول جودة وأصالة المنتجات الموجودة بالسوق، إجتنا فكرة مجنونة شوي
ليش ما مننتج الحليب ومشتقاته على طريقة جدودنا؟
وهيك، رجعنا للأصل… لأرضنا وتعبنا
ومن مطبخ الكنيسة، بلّشت مغامرتنا.
قصّتنا
من مطبخ الكنيسة… لمعمل متكامل!
بلّشنا نطعمي بقراتنا أكل عضوي طبيعي خالي من المواد الكيميائية.
من حليبهم الطازج، سيّدات من رحبة اتّبعوا الوصفات اللّي ورثوها من جدّاتن ليعملوا لبنة وجبنة لعيلنا وجيراننا وحبايبنا.
والمفاجأة؟ كل مين داق، انغرم بالجودة.
البركة كبرت والبقرات زادوا.
الطلب على منتجاتنا ارتفع، وصار عندنا شنكليش، أريشة، عيران، سمنة، وكلّه طازج، بلدي، ومن دون أي مواد حافظة، بس حليب ورشة ملح عالبركة!
المكوّن اللّي ما بتفهموه ما بتلاقوه عندنا.
من مطبخ صغير لمعمل متكامل.
حلمنا كبر وما عاد يساع بمطبخ الكنيسة.
واليوم، عنا معمل مجهّز بأفضل المعدات وبأعلى معايير الجودة
مش بس هيك، المعمل صار كمان مصدر رزق لعدد من أهالي رحبة.
ادعموا الإنتاج المحلي… ادعموا ضيعتكن!
رح نقدّم الأفضل دايمًا لأهالينا وأولادنا،
ونكبر سوا… عالبركة!
وين بتلاقونا؟
منوصل لعندكن بأي مكان بلبنان!
اطلبوا هلأ
